Bridgton Rugbyspanne Presteer op die Veld
Bridgton se eerste span het verlede Saterdag teen die Evergreens gespeel. Foto: Verskaf
08/06/2024
Bridgton RFC het ‘n suksesvolle naweek op die rugbyveld beleef toe hulle die spanne van Evergreens verlede naweek op die Bridgton Sportgronde oorwin het.
Al vier die spanne van Bridgton het hul wedstryde gewen. Die eerste span het ‘n telling van 30-24 behaal, terwyl die tweede span ‘n telling van 23-10 behaal het.
Die derde span het ‘n oorwinning behaal deur een punt voor te eindig in hul wedstryd teen die Evergreens, met ‘n eindtelling van 9-8.
Die vierde span van Bridgton het teen die Pumas gespeel en die wedstryd met ‘n telling van 19-5 gewen.
Bridgton RFC sal op Saterdag, 8 Junie, hul volgende wegwedstryd teen Helderberg speel. (Deur: Lindi Brill, Die Hoorn)